Letra de 180°

[Verse 1]
Du verliersch kei Freiheit - du gwinnsch Gränze
Du wosch Sicherheit, di gits niene gschänkt
Bisch es riise Weichei, lueg jetz gschider wägg
Wüu Bliberächt
Gits nur i de Camps
We di stiu häbsch i dim Vorgarte
Niemer um Hiuf bättisch gits sogar chli Woustand
Nur nid zviu dänke, de geits der grossartig
We du [?]sklav brav ufe Tod wartisch
Wiukommen im Notstand, hoffe bisch krisefescht
Stimm yy i Lobgsang, das git es riise Fescht
Du verliersch keni Rächt, nei du gwinnsch Gsetz
Mach scho der hingerletscht Kritiker dingfescht
Niemer ghört si Hiufeschrei, niemer verchert mit eim
Jede muess sini Zieu erreiche, ehrlechgseit
Du verliersch nid der Wiue - gwinnsch Bequemlechkeit
Wüu si ja scho aues im Fernseh zeige

[Refrain]
Dräji di um
Dräji di um, Mann
Dräji di um um 180°
Dräji di um
Und lueg mau
Wi das usgseht
Wed di umchersch

[Verse 2]
Du verliersch ke Gäud - du gwinnsch Schoude
Sorry stier bini säuber, i ha der nix zum pumpe
Und si schiesses zum Fänschter us id Moude
Und ihri Bulldozer stosse der Pouver i Bunker
Du verliersch ke Hoffnig - gwinnsch Opfertrieb
Ungerjocht vo der eigete Technologie
Du verliersch keni Jobs - du gwinnsch Optionen
Aus Arbeitslose hesch au Müglechkeiten offe
Verliersch ke Sinn - gwinnsch irgendwie Wärte
Niemer wott di zwinge muesch nid immer so zwänge
Du konsumiersch nid - schaffsch Identitäte
Mach di Chip hinger i Äcke
Niemer cha ne wägnäh
Verliersch nid d Seeu - gwinnsch es Wäutbiud
Wo d Verbindig zur Queue nümm so ärnscht nimmt
Wenn i der verzeue dass sig chli ängstirnig
Gränzt das wahrschinlech a säubschtüberschetzig

[Refrain]
Dräji di um
Dräji di um, Mann
Dräji di um um 180°
Dräji di um
Und lueg mau
Wi das usgseht
Wed di umchersch
D Wäut isch rund
Gäud isch bunt, Mann
Wär isch tschoud dass dungen aachunnsch
Säuber tschoud dass nid luegsch, Mann
Wi si di sugge
Du bisch e Nutte

[Verse 3]
Ds Läben isch nur das was du machsch drus
Du hesch was brucht für Erfoug oder Absturz
Jede het ds Rächt uf Biudig, viune fäuht der Wiue
Oder ds Gäud u d Zyt, i bi ächt nid im Biud
Jede cha Boss wärde, bestimmt sis Los säuber
Oder hofft ds Läbe lang uf ne Lottosächser
Jede het Ufstygchance, du bisch drann oder butzisch ds WC uf der Ussichtsplattform
U si verzeut der nach wi vor dis Glas sig haub vou
Obwou si hei der aus gno, hesch nid mau me es Glas vor der
Ke Tisch ir Chuchi, ke Chuchi i der Wohnig
Ke Wohnig, paar Schoudschyyne und chli Hoffnig
Ufenes Zieu im Läbe
So dass mer au zäme gli vo de Zinse läbe
Gäud zieht Gäud aa, muesch nur Gäud ha und wirsch gseh, das vermehrt sech wi vo säuber
(Aah du hesch gar ke Gäud?
De wirds huere schwirig
Chani der nid häufe, sorry)

[Refrain]
Dräji di um
Dräji di um, Mann
Dräji di um um 180°
Dräji di um
Und lueg mau
Wi das usgseht
Wed di umchersch
D Wäut isch rund
Gäud isch bunt, Mann
Wär isch tschoud dass dungen aachunnsch
Säuber tschoud dass nid luegsch, Mann
Wi si di sugge
Du bisch e Nutte

Dräji di um
Um 180°
U när no grad mau
U när dräjisch di so im Kreis
Das macht glücklech
Huu
U när nimmsch no eine derzue
U dir machet Ringureihe