Letra de Bate A Mar

Poboan deuses esas rías galegas
tronos de cunchas croques e ameixas
baixo a mar, moluscos na orquestra
peixes e mariscos van de festa
o rei Neptuno coa lúa chea
pon os mexillóns baixo as bateas
e no fundo, as algas xoguetean
cantan peixes fados e habaneras

Bate a mar nas rochas contra as penas
bate a mar e arfan as bateas
rolan botes, dornas cabecean, bailando rock and roll entre as gamelas
Na Galicia e Portugal costeiras
falan na mesma lingua, as lampreas
baixo as augas non hai fronteiras
os peixes raia as borran da area
luras fadistas, polbos poetas
rechouchían soños e veletas
laios de mar, cantos de serea
que engaiolan capitáns de pega

(Refrán)

Contos mareiros como as mareas
soben e baixan entre as aldeas
contos de mar, outra odisea
que o vento leva soprando as velas

(Refrán)