Letra de Champignon

Ich ben ene kleine Champignon
Un wör su jän e Kölsch
Ich ston he em feuchte Moos
Janz unge em Jemölsch
Ich wör vill leever jroß un schlank
Stünd op enem weiche Filz
Un hät ene wieße Krare öm
Doch bin ich nur ein Pilz
Do kann ich mich och recke
Un strecke wie ich will
Ich blieve e Föttche an d'r Äd
Do deit sich nit mih vill
Ich will mich nit beschwere
Et jeit m'r och nit schläch
Ich ben jo zum verzehre
Un ich kenne minge Wäch
Denn eines Dachs dat weiß ich
Do werden ich entdeck
Dann kumme ich no bovve
Erus he us däm Dreck
Doch eh du dich versiehs
Do han se dich em Sack
Op Striefe jeschnedde
Oder schön klein jehack
Dröm jläuv m'r bliev he unge
He es et doch janit schläch
Denn vun dä Kleine bes du d'r Jrößte
Han ich dann nit räch?