Letra de Die Omama

[Songtext zu "Die Omama"]
[1. Strophe]
Da steh ma jetzt am Stammersdorfer Friedhof
Regnen tuat's
Die Fiaß tamma scho weh
Der Pfarrer sagt
Sie war a so a herzensguter
Mensch
Und trotzdem foit ma's Waana hoid so schwer
Die Omama
Die Oma ist nicht mehr
[2. Strophe]
Wiari klaa war
Hat's ma einegstopft die Knedln
Hat's glauert mit dem Pracker in der Hand;
Hat's mir ah umdraht schon den Magen
Es war ihr wurscht
Sie hat mi gschlagen
So lang
Dass i scho angfangt hab zum Beten:
Lieb Jesukind
Lass d'Oma doch verrecken
[Refrain]
Die sieben Raben - es warn nur sechs
Die guade Fee - es war a Hex
Der böse Wolf - a klaaner Dackel
Der Märchenprinz - a schiacher Lackel
[3. Strophe]
In Stammersdorf hat s' ghabt die klaane Wohnung
Mit Spitzendeckerln und an Hitlerbüd
A Glasl Grammelschmalz am Fensterbrett
Den Nachtscherbn unterm Doppelbett
So weiß
So dick
So rund und immer voll
Vielleicht hätt ma'n in's Grab dazualegn solln?
[4. Strophe]
Amoi hab i s' gfragt: " Wo ist der Opa ?"
Im Himmel auf an Wolkerl spüüt er Geign
Für Führer
Volk und Vaterland
Erschossen
Aufghängt und verbrannt
Auch das hat sie dem Adolf stets verzieh'n
Er hat ihr ja das Mutterkreuz verlieh'n
[Refrain]
Die sieben Raben - es warn nur sechs
Die guade Fee - es war a Hex
Der böse Wolf - a klaaner Dackel
Der Märchenprinz - a schiacher Lackel
[5. Strophe]
In letzter Zeit da war s' scho a bisserl komisch
Des Grammelschmalz is gstanden unterm Bett
Die Spitzendeckerln hat s' verbrannt
Den Hitler hat s' an Pülcher gnannt
Den Nachtscherbn hat s' plaziert am Fensterbrett
Ganz Stammersdorf hat über sie schon gredt
[6. Strophe]
Am Muttertag da hamma s' gführt in Prater
Die Oide war auf amoi wieder jung
Beim Go-Cart-Fahrn hat s' gjodelt
A paar Langos hat s' verdruckt
Nur beim Sturmbootfahrn
Da geschah ein Missgeschick:
Da is s' an ihre foischen Zähnt derstickt
[Refrain]
Die sieben Raben - es warn nur sechs
Die guade Fee - glaubt's ma's, des war a Hex
Der böse Wolf - a klaaner Dackel
Der Märchenprinz - a schiacher Lackel
[Outro]
Oma
Pfiatigott, mach's drüben besser
Mach kaane Knödeln für die Engerln
Sei so gut!
Tua net de Heiligen sekkiern
Tua net den Opa denunziern
Und gehst zum Herrgott auf Besuch - a guter Tipp:
Omama
Nimm's Mutterkreuz net mit!