Letra de Kölsche Jung

[Songtext zu „Kölsche Jung“]
[Strophe 1]
Als kleene Jung hatt ich mich eins verlaufe
Ich jläuf, ich wollt m'r nur e Rahmkamellsche kaufe
Ich fung ming Stross nit mieh, ja, dat wor schwer
'Ne Schutzmann frochte mich, „Wo bes de her?“
Ich hatt en Angs, hä nöhm mich beim Schlawitsche
Em Jeis saah ich mich schon terektdemang em Kittsche
Doch spot ich janz jenau, hä meint et joot met mir
Ich säht ihm dann: „Drei hätzich op ming Ihr“
[Refrain]
Ich ben 'ne Kölsche Jung, wat willste mache?
Ich ben 'ne Kölsche Jung und dun jern lache
Ich bin och sonst nit schlecht, ne, ich bin brav
Ming Lieblingswörtsche heiss „Kölle Alaaf!“
[Strophe 2]
Ich deit och schwer aan minger Mutter hänge
Wenn sie och menches Mol mit mir deit kräftig schenge
Doch wor em Jrund ich doch e liebe Jong
Su leich braat ich se nit us dem Verzung
Und hat ich ens en Sammeltass zerbroche
Dann daach ich janz bestimmp, „Jetzt häste jet verbroche“
Die Mam säht nur för mich, „Du küss net vor die Tür“
Ich säht dann, „Mam, ich kunn doch nix dafür!“
[Refrain]
Ich ben 'ne Kölsche Jung, wat willste mache?
Ich ben 'ne Kölsche Jung und dun jern lache
Ich bin och sonst nit schlecht, ne, ich bin brav
Ming Lieblingswörtsche heiss „Kölle Alaaf!“
[Strophe 3]
Ich rode dir, loss nie d'r Kopp ens hange
Laach doch em Levve nur, dann weesde dich schun fange
Denn wenn de nit mieh laachs, dat is vekeht
Sing doch ding Muttersprooch op Kölsche Leed
Sing su wie ich, da bruchst dich nit zu schamme
Und hässde Truusverloss, dann singe mir zesamme
Wenn do dann eens Dags em Himmelspöötzje steihs
Dann saach dem Petrus heimlich, still un leis:
[Refrain]
Ich ben 'ne Kölsche Jung, wat willste mache?
Ich ben 'ne Kölsche Jung und dun jern lache
Ich bin och sonst nit schlecht, ne, ich bin brav
Ming Lieblingswörtsche heiss „Kölle Alaaf!“