Letra de Orlando

Es isch geschter i dr Bar dunger am Egge gsi
Die Paar wo dert hange - Dr Steff und I
Verrisseni Sätz wo me uf halbem Wäg verliert
Da ha se dert hinger im Dunkle gseh stah
I ha sofort dänkt - hey, wär ig itz e Maa
Ha gwartet - mal luege wie das dr Steff reagiert
Doch dr Steff dä hett gar ke Notiz vo? re gno
Vertöift in es Gspräch über Sport oder so
Und die Frou steit wie ne Sphinx am gheime Tor
U dr Steff hett du plötzlech ke Rolle meh gspiut
I chönnt schwöre - Die Ouge die hei uf mi ziut
U zieh mi ine dunkle See - so chunnt? s mer vor
Und I wett wüsse wie das wär i ihrne Arme
Ihri Hut z? gspüre und d? Lippe - ihri Haar
Und e Teil vo mir het Angscht u wott mi warne
Und e Stimm i mi rüeft Gang u mach es wahr
Gang u mach es wahr
Das isch es Gfüel wie aube uf dr Brügg
Es zieht eim abe u me rysst sech erschrocke zrügg
Nume dass sech das Mal ds springe villech lohnt
U langsam düre Näbel ghör i wider paar Wort
U dr Steff isch da u redt geng no vom Sport
U d? Sphinx lächlet als wär si das alles gwohnt