Letra de Polterovend..

Hück es Polterovend en d'r Elsaßstroß
Denn d'r Pitter hierot morje et Marie
Dat Marie hätt' ich sujän för mich jehat
Ich han et och probeet
Doch mich, mich wollt' et nie
Wie et em Levve off esu jeit
Mer lurt, wat en d'r Zeidung steit
Hück stund en Annonce do dren
Ich dach, mich tritt e Päd vür't Kenn
Dä Pitter Hippenstiel us Goch
Hierot et Marie dis Woch
Dat kann doch ja nit möglich sin
Dä Typ, dä muß ich sin
Wat hat dä dann, wat ich nit han
Wie schön mag dä wohl sin?
Do denk ich mir jet Feines us
Ich jläuv, do jon ich hin
Hück es Polterovend en d'r Elsaßstroß
Denn d'r Pitter hierot morje et Marie
Dat Marie hätt' ich sujän för mich jehat
Ich han et och probeet
Doch mich, mich wollt' et nie
Ach, Marie, ach, Marie, mir deit et Hätz su wih
Wie jän hätt' ich met dir dis Naach de Stroß jefäch
Doch met mir, doch met mir, do wollt'ste nie
Doch met mir, doch met mir, do wollt'ste nie
Ich han 'ne LKW bestellt
Vun mingem allerletzte Jeld
Dä hat en janze Ladung Schutt
Dann denne vür de Dür jeschott
En jode Mischung Sauerei
Jenaujenomme fünferlei:
Hausmüll, Altöl, Schrott un Kies
Jot jemengk met Buuremeß
D'r Pitter hat dä Dreck jefäch
Un ich han et Marie
Drei Stunde en de Kneip' entführt
Un Spaß jehat wie nie
Hück es Polterovend en d'r Elsaßstroß
Denn d'r Pitter hierot morje et Marie
Dat Marie hätt' ich sujän för mich jehat
Ich han et och probeet
Doch mich, mich wollt' et nie
Ach, Marie, ach, Marie, mir deit et Hätz su wih
Wie jän hätt' ich met dir dis Naach de Stroß jefäch
Doch met mir, doch met mir, do wollt'ste nie
Doch met mir, doch met mir, do wollt'ste nie
Hoch soll se leben
Hoch soll se leben
Dreimal hoch ...