Letra de Faith no more

[Verse 1]
Wi geits in Afrika, schick di verchleidete Taliban usem
Vatikan uf ne Reis nach Abidjan wüu
Dert chöi si missioniere und hänke statt Präser-Outomate Chrütz i jedes Pissoir ine aber
Chrütz chasch nid über jede Schwanz zieh und
De Lüt blybt nüt übrig weder chrank zsi, weisch
Chrütz schützen und verhüeten im beschte Fau wenn du di dranne fescht hesch gnaglet und
Hoffentlech cheggt dä Pabscht vorem letschten Amen, dass
Si sech da irgendwie chli fescht hei gfahre, dass
De Lüt nid hiufsch wed ne Tütli nimmsch
Und ihres Dänke ersetzisch dür paar Sprüch i der Bible (Bible, Bible)
[Hook]
I fougen am Gloube, wüu i gloube dass Gloube mi vor de Fouge schützt
Verfougen andere Glouben im Gloube dass nur mi eiget Gloube nützt
I gloube gloubs so ne Gloube, gloub minen Ouge zlieb (Was isch los mit dir?)
D Ohre toub mit Sorge vou, gloub mit mir
[Verse 2]
Figg au di gwüssehafte Wüsseschaftler
Au die wo nid wüsse dass si nur wüsse was si gloube
Für Würklech haute was si künschtlech schaffe
Und au die, wo nid gschpüre, dass si ds Glück üs roube
Au dir Fundamentalischte gloubet nämlech und
Öii Grundaanahm isch mir nid vou verständlech
Dir gloubet eh nid a d Jungfrou im Gfängnis aber
Dass toti Materie der Ursprung vo der Wäut isch (Wo isch der Ungerschid?)
Nöigkeite vo öich geilen Eugeniker chöi mi ehrlechgseit nümme stoppe
Uf öie Terror und uf öich Despote het e
Freie Mönsch ab itz eifach ke Bock meh
Machet us eifache Bürger feindlechi Kombattante
Au dir Heimatschützer, verbreitet Propaganda
I gloub der aus, i foug der brav auso bou das Grabmau zum sogenannte Wou vo aune (aune, aune)
[Hook]
I fougen am Gloube, wüu i gloube dass Gloube mi vor de Fouge schützt
Verfougen andere Glouben im Gloube dass nur mi eiget Gloube nützt
I gloube gloubs so ne Gloube, gloub minen Ouge zlieb (Was isch los mit dir?)
D Ohre toub mit Sorge vou, gloub mit mir
[Verse 3]
Figg dini Demokratie, Antiterrormaschine
Dini Gsetzesfabrigg wo dir zletscht aues verbietet
He i gloub der kes Wort wod verliersch wüu du ds Wort wosch verbiegen und nonstop torpediersch
Nonstop
I gseh das Theater
Vo Demokrate wo eh scho abgchartet hei, was für ne Wau mir hei
Klar hei mer au d’Wau zwüsche rächts und links
Klar hei mer au d’Wau zwüsche Späck und Schinke
I frag mi aube isch das nid aues ds Glyche? mou
Klar, imfau hey das isch doch aues Schwinigs u när
Fragi worin gnau das mini Wau besteit und
Schnaue werum sech ke Sou a der Wau beteiliget
(Niemer Mann, ke Sou)
[Hook]
I fougen am Gloube, wüu i gloube dass Gloube mi vor de Fouge schützt
Verfougen andere Glouben im Gloube dass nur mi eiget Gloube nützt
I gloube gloubs so ne Gloube, gloub minen Ouge zlieb (Was isch los mit dir?)
D Ohre toub mit Sorge vou, gloub mit mir (bitte gloub mit mir)
I fougen am Gloube, wüu i gloube dass der Gloube mi vor de Fouge schützt
Und verfougen andere Glouben wüu i gloube dass einzig elei mi Gloube nützt
I fougen am Gloube, wüu i gloube dass der Gloube mi vor de Fouge schützt
Und verfougen andere Glouben wüu i gloube dass einzig elei mi Gloube nützt
Ja Mann
I weiss oh nid
Eigentlech weissi gar nüt
Auso gloub was d wosch