Letra de Merci

Das Lied geit a die wo-nis uf üsem Wäg begeite
U we si wäg si wärde Wuchene zu Ewigkeite
Das Lied geit a d′Fräne womi nimmt wini biZu de Kids luegt immer wemer uf dr Büni si

Womer Haut git wes mr miis geit
Ischteit für mi, mini Sitte-n-ergrift wes emau Beef git
Wo verschteit dasi viu Zit für mi bruuche
Beats mache, Texte schribe, dumm schnure, Wii suufe

Ha mängisch z Gfüeu, wasi mache intressiert ke Sou
Doch mini Frou die schteit hinger mir wöu si a mi gloubt
A mini Mam, merci wi de mi erzoge hesch
Wases heisst Ching gross zieh weisi o grad ersch

Heis nid eifach gha, meischtens wägem Gäud
Single mom, Einzuching, mir zwöi gäge d'Wäut
Merci Pere, bi immer überzügt gsi
Mir wärde üs mau lere kenne, mittlerwile figg di

Das lied geit natürlech o a mini Chinder
Die chliine grossartigschte düredräite Spinner
Dir sit e Teil vo mir, doch bi nid für ging da
Villich sit dir z′Einzige im Läbe wo het Sinn gmacht

Das Lied geit a üsi Fans wo uf dr Outobahn
Dür di haubi Schwiz reise nume für nes Outogramm
A jede Gig chöme, düremache, i-nicke
Mittis nachem Gig uf dr Bühni no-ne Drink kippe

Merci
Ds Merci geit a dä (a ihn – a si)
A si, a ihn, a aui Fans (aui Fans)
Ds Merci geit a au die (au die)
Wo für üs da si, egau wie

Merci
Ds Merci geit a dä (a ihn – a si)
A si, a ihn, a aui Fans (aui Fans)
Ds Merci geit a au die (au die)
Wo für üs da si, egau wie

Ds Lied geit a die Lüt – woni cha rächne mitne
Nid nume wes mir guet geit – o i schlächte Zite
Wo mir berächtigterwiis o mau i ds Gwüsse rede
Aber mir gliich jederzit würde dr Rügge decke

Ungloublech – di Lüt woni ar Site ha
Si tribe mi a – weni mau nümme ma witer ga
Si brämse mi – weni düreträie wi Rinderwahn
I bi – überzügt – di Verbindig isch für immer da

Mini liebi Family – so viles hani öich z verdanke
Wäge öich bini im Läbe töif verankeret
Dir heit mir di richtige Wärte mit ufe Wäg gä
Dass i cha wärde was i wot vorem stärbe

Sisch itz aber no nid so wit – i bi no fit
Ha no chli Zit und schaffe-na mine Defizit
Dr Wäg isch ds Ziu – u dä wot i mit Fründe teile
I ha Glück mit de Lüt i mine Fründeskreise

Geili Sieche – schön sit dir i mim Läbe
Und merci dass i dr richtige Frou bi begägnet
Läck bini gsägnet – mit dir a mire Site
Mit mire Liebi für di chönnti ga Pyramide kippe

Merci
Ds Merci geit a dä (a ihn – a si)
A si, a ihn, a aui Fans (aui Fans)
Ds Merci geit a au die (au die)
Wo für üs da si, egau wie

Merci
Ds Merci geit a dä (a ihn – a si)
A si, a ihn, a aui Fans (aui Fans)
Ds Merci geit a au die (au die)
Wo für üs da si, egau wie (Merci)