Letra de Nie mih su jung wie hück Naach

Noch eimol erus su, wie et fröher off wor
Zwei Bierche un heimjonn, dann stunds do plötzlich doh
Wenn die Chemie einfach su stimmp
Un dä Tak vun zwei Hätze en Harmonie erklingk
[Refrain]
Denn mir sin nie, nie, nie mih su jung, wie hück Naach
Un ich han nie, nie, niemols an Heimjonn jedaach
Do bes einzig, nit artig, su herrlich beklopp
Un jetz steihs do heh vür mer un stells ming Welt op dä Kopp
Mer wore janz heimlich met Wolldeck un Wing
Et Daach huh jeklomme, de Sonn opjonn sinn
Wenn dä Moment, dä Augebleck stimmp
Wenn uns’re Jesang heh övver dä Däächer erklingk
Do bes schön, wenn Do laachs
Miestens üvver Dich selvs
Häs Ecke un Kante
Dich niemols verstellt
Kanns en jeder Sproch schänge
Doch nie ohne Stil
Manchmol draumhaff niveauloss
Un dat es jenau, wat ich well