Letra de Oran do'n Mhorairne

E ho ro mo rùn am fearrann
E ho ro mo rùn am fearrann
Mo ghaol a' Mhorairne bhòidheach
Far an robh mi òg 'nam leanabh

'S bòidheach tha dà thaobh loch Suaineart
Sròn an t-sìthein grianach uaine,
Labhdail an Gleann 's Rathuaidhe
Far an robh 'n "Doctair Ruadh" 'na leanabh

E ho ro mo rùn am fearrann
E ho ro mo rùn am fearrann
Mo ghaol a' Mhorairne bhòidheach
Far an robh mi òg 'nam leanabh

'S 'o bhàrr an t-Sìthein chithinn còmhla
Gach glean, loch is eileanan bòidheach
Beinn Shianta bhuidhe fo neòinein
Tìr a' bhainne 'n fheòir 's a' bhairich

E ho ro mo rùn am fearrann
E ho ro mo rùn am fearrann
Mo ghaol a' Mhorairne bhòidheach
Far an robh mi òg 'nam leanabh

Nam biodh ceartas aig luchd cosnaidh
'S gun na h-uachdarain bhith cho moiteil
'S mi nach fhàgadh tìr an t-Soisgeil
Airson fortan rìoghachd aineoil

E ho ro mo rùn am fearrann
E ho ro mo rùn am fearrann
Mo ghaol a' Mhorairne bhòidheach
Far an robh mi òg 'nam leanabh

Sorraidh bhuam thar chuan gu m' chàirdean
Gu m' luchd-dùthch' 's gach comunn Gàidhlig
'N latha chì 's nach fhaic 's gu bràth
Gu math slàn 's na miltean beannachd

E ho ro mo rùn am fearrann
E ho ro mo rùn am fearrann
Mo ghaol a' Mhorairne bhòidheach
Far an robh mi òg 'nam leanabh