Video de Tubel Trophy

[Schtrofä 1]
Es isch emal en Tubel gsi, e richtig miesi Fläsche
Dä hät gmeint e helli Huut, das seg e Frag vom wäsche
Er hät gmeint bim Metzger wachsed d’Cervelats im Garte
Und überall wo d’Sunne schiini gäbs e Glacécharte
Er hät tänkt er heg es Rächt uf Sicherheit für immer
Hät sich vorgschtellt, s’Mami butzi s’Läbe lang sis Zimmer
[Chor]
Es isch emal en Tubel gsi
[Schtrofä 2]
Es isch emal en Tubel gsi, dä isch am Schtammtisch gsässe
Er hät gseit: "Wär schaffe will, dä hät au öppis z’frässe!"
Er hät grüeft: "Es isch e Schand, es isch e Kataschtrophe
Wännt en Chällner bruuchsch, dänn chunnt er grad mit sine Goofe"
Er hät blödi Witz gmacht über d’Neger und di Schwule
Er hät gseit: "Ich zahl doch nöd no Schtüre für di Fuule!"
[Chor]
Es isch emal en Tubel gsi
Es isch emal en Tubel gsi
[Schtrofä 3]
Es isch emal en Tubel gsi, dä hät e Rundi Bier zahlt
Und dänn händsem gseit, es gäb en Wettbewerb im Urwald
En Monet überläbe, ohni Bank und ohni Uswiis
Nachhär dänn es Fäscht und no zwei Kilo Gold als Hauptpriis
Si händem s’Heftli zeiget mitem grosse Inserat
Deet isch ganz genau beschribe gsi um was es gaht
[Chor]
Es isch emal en Tubel gsi
[Schtrofä 4]
Es isch emal en Tubel gsi, und e Beiz voll Bsoffni
All händ gschroue: Tubel, mach doch mit bi däre Trophy
Er isch uf de Tisch ue gschtige, schtolz und ganz äleige
Er hät grüeft: "Ja, däne Affe gangis scho go zeige!"
Er hät no es Bier pschtellt, und me hät en ghöre säge
Er seg au im Urwald jedem Neger überläge
[Chor]
Es isch emal en Tubel gsi
Es isch emal en Tubel gsi
[Schtrofä 5]
Es isch emal en Tubel gsi, dä isch im Flugzüg gschtartet
Und woner glandet isch, da hät sis Team scho ufen gwartet
Er isch fascht wienen König ines grosses Auto gschtige
Sini Hälfer händem Proviant in Rucksack pige
Tagelang sinds gfahre, bis as Ändi vo de Wält
Und dänn händsen deetglah, ohni Pass und ohni Gält
[Schtrofä 6]
Es isch emal en Tubel gsi, dä isch am Bode kroche
S’hätem öpper s’letschte grosse Abentüür verschproche
Er isch dräckig und älei im Dschungel umegloffe
Ändlich hät er imne Dorf es paar Soldate troffe
Er hät grüeft: "Jetz willi hei, so öppis isch kän Gschpass me!"
Aber die Soldate händ nur gseit: "Mir würded gern mal Ihre Pass gseh."
[Schtrofä 7]
Es isch emal en Tubel gsi, en zäche und en gsunde
Dä isch irgendwo, wiit furt vo da, im Dräck verschwunde
Er hät nie begriffe, dass dä Wettbewerb, dä grossi
Nume isch erfunde worde, zum en Tubel los sii
Dihei i sinere Beiz, deet händs en zimmli gschnäll vergässe
Und uf sim Platz, da isch scho glii en neue Tubel gsässe
[Chor]
Es isch emal en Tubel gsi
Es isch emal en Tubel gsi
[Schtrofä 8]
Die Tubel-Trophy hät nöd nur zum Gschpass eso vill Schtrofä
Jede Tubel sölls begriiffe, und au d’Philosophe
All ihr Tuble, wo mit eune Tubel-Schprüch husiered
All ihr Tuble, ihr wo jedem Tubel naamarschiered
Schtönd emal i d’Schiissi, und am Griff wo’s hät, deet ziender
Wänn ihr nümme da sind, dänn vermisst eu nämmli niemer